Duela hiru hilabete erori zen Zaldibarko zabortegia, eta oraindik bi langileak desagertuta daudela salatu dute plataformako kideek. Bihar, mobilizatzera deitu dituzte inguruko herrietako heritarrak.
Elgeta, Eibar, Ermua, Zaldibar, Mallabia, Zalla eta Markina-Xemeingo herriko plazetan guneak prestatuko dituzte, egun osoan zehar herritarrek lore-eskaintzak egin ditzaten. Modu horretan, Joaquin Beltran eta Alberto Sololuze langileak omendu eta gogoratu nahi dituzte. Bestetik, balkoi eta leihoetatik “burrunba” egiteko deia ere egin du Zaldibar Argituk 20:30ean.