Alerta egoera dela-eta itxita daude aurrez aurreko hainbat zerbitzu. Horien artean dira, esaterako, ludoteka eta liburutegia.
Elgetako ludotekatik ElgetakoLudoteka Youtube kanala sortu dute, eta egunero eskulan proposamen bat egiten dute bertatik.
Liburutegitik, berriz, Ipuinen Orduko saio berezia egin dute Elgetako Liburutegia Youtube kanalean. Olga de Dios-en Leotolde ipuina dago ikusgai, eta ipuinaren inguruko marrazkia bidaltzen dutenen artean liburuak zozketatuko dituzte. Bidali marrazkiak 688 72 96 03 zenbakira –Whatsapp zein Telegram bidez– edo elgetakoliburutegia@elgeta.eus helbidera.