Ospitaleak ohiko jardunera bueltatzen hasiko dira, eta horrek odol premia handituko du, ebakuntzak eta bestelako esku-hartzeak egiteari ekingo baitiote laster. Horregatik, Odol Emaileen elkarteetatik odola emateko deia egin dute.
Gaur, apirilak 27, odola emateko aukera izango da Elgetan, 18:00etatik 20:00etara. Jende pilaketak saihesteko hartutako neurria da eta horrekin batera txanda hartzeko telefonoz deitzeko eskatu dute, 10:30etik 14:00etara bitartean 943 00 78 88 telefono zenbakira.
"Covid-19k sortutako egoera dela eta eta gure etxeetatik ez ateratzeko betebeharra izan arren odol-emate lanekin jarraitzea beharrezkoa da odol bankuak ospitaleak hornitzeko beharrezkoak diren izankinak mantentzen jarrai dezan", adierazi dute.
Elgetan odol-emaile txartela duten guztiei bidali zaie abisua, goizean.
Telefonoz txanda hartu ez dutenei momentuan galdetzeko eskatu diete, kontuan hartuta 19:20ak arteko txandak banatuta daudela dagoeneko.