Hilekorako hainbat aukera daude gaur egun merkatuan, eta horietako bat da kopa menstruala. Elena Elkoro botikariak kopa zer den, nola erabiltzen den eta nork erabil dezakeen azalduko du. Hitzaldia 18:30ean hasiko da, liburutegian. "Marka desberdinak daude eta tamaina diferenteak ere bai. Zer noiz erabili azaltzen saiatuko naiz, eta galderak badaude horiek erantzuten ere bai".
Elkorok uste du interesgarria litzatekeela kopa erabiltzen duten emakumeak ere hitzaldira gerturatzea. "Zalantzak argitzeko ona izan daiteke eta esperientziak partekatzeko aukera ere emango luke. Kopa erabiltzen hasteko daudenendako beti da interesgarria horrelakoak entzutea".
Hitzaldia, beraz, hilekoarekin hasiberriak diren emakumeendako zein besteendako da. Marka desberdinetako kopak ere erakutsiko ditu Elkorok saioan.