Feminismoaren olatuen inguruan eta mugimenduaren mugarri garrantzitsuenen inguruan egin zuen berba Agirrek pare bat orduko iraupena izan zuen saioan. Hainbat autore ekarri zituen gogora eta haiek idatzitako testuak eta idatziak aurkeztu zituen Elgetan.
Elgetako Emakume Taldeak Udalarekin elkarlanean antolatuta bigarren saio bat ere egingo du, martxoaren 4an, 18:30ean. Aurreratu du saio hori abiarazteko ondorengo galdera luzatuko diela parte hartzaileei: "Noiz konturatu zinen emakume zarela?".
Saio irekia izango da eta gogoetara bideratua, gehienbat.
Martxoaren 8an, bazkaria
Gogoratu martxoaren 8ko bazkarirako txartelak salgai daudela herriko taberna guztietan zein Elkoro botikan. Prezioa da 7 euro.
