Gaztea da Arima Galduak jugger taldea baina badoaz bidea egiten. Domekan jokatu zuten, Zaragozan, Internucleos txapelketako bigarren jardunaldia eta aurrenekoan baino hobeto ibili zirela adierazi du taldeko entrenatzaile Jessica Otsek.
Partidu nahiko berdinduak izan zirela adierazi du. "Oraindik ez dakigu taula nola doan, baina uste dut azkenak garela. Arima Galduak B taldeak bi partidu irabaztea lortu zuen, baina oraindik itzuliko partiduak geratzen zaizkigu", zehaztu du. "Lesionatu batzuk eduki ditugu, eta taldean aldaketak egin behar izan ditugu. B taldean bi hasiberri bakarrik zeuden, eta Kantabriako talde bateko jokalariekin bete genituen hutsuneak bi taldetan".
Txapelketako azkenengo jardunaldia maiatzean izango da.
Erakustaldia zapatuan, Eibarren
Arima Galduak jugger taldetik jakinarazi dute zapatuan erakustaldia egingo dutela Eibarko unibertsitatean egitekoa den Uniencounter jardunaldian. "Informazio mahai bat jarriko dugu eta 12:00etatik 14:00etara jugger praktikatu nahi duenak probatzeko aukera izango du".