Beste bi zutabeak 17:00etan abiatuko dira. Bata Ermuko Cardenal Orbe plazatik, eta bestea Eibarko Amaña-Eibar tren geltokitik. Zaldibartarrek Ermuko zutabearekin bat egingo dute.
Hiru zutabeek Eitzagan egingo dute bat. Elgetako zutabeak oinez egingo du Eitzagarako bidea, Aixolatik.
Gertatutakoa argitzea, desagertuta dauden bi langileen topatzea eta erantzukizunak eskatzea dira mobilizazioaren helburu nagusiak.
Autobusa egongo da Ermutik itzultzeko. Interesatuek Haizea tabernan eman behar dute izena. Lehenengo autobusa betetzear dela jakinarazi dute antolatzaileek. Bigarren joan-etorri bat egiteko aukera zabalduko dutela esan dute.