Hemen dira Gabonak! Eskolako umeen azoka txikiarekin abiarazi dira, gaur, Elgetan. Askotariko produktuak izan dituzte salgai plazan goizeko lehen ordutik. Olentzero eta Mari Domingi iritsi direnean jaso dituzte saltokiak; izan ere, eskolan haur mordoxka zegoen bi pertsonaia magikoen zain.
Eskolako ganbaran elkartu dira guztiak. Neska-mutikoek kantuan egin diete eta Olentzerok eta Mari Domingik opariak banatu dituzte.
Eta Gabonekin batera hemen dira oporrak. Urtarrilaren 7an zabalduko ditu atzera ere ateak Elgetako Herri Eskolak.
