Ixabel Agirresarobek Hiri kondairak kontatu zituen aurreko barikuan liburutegian. Gaurkoan, Maider Galarza izango da Elgetan eta Europako ipuinak kontatuko ditu 7 urtetik gorako neska-mutikoendako.
Musika ikasleak, Espaloian
Musika ikasten ari diren Elgetako neska-mutikoek, berriz, 19:00etan egingo dute Gabonetako emanaldi berezia Espaloian. Lorea Larrañagaren ikasleak dira gehienak, eta pianoa eta gitarra izango dira nagusi emanaldian, baina bestelako instrumentuak ere izango dira, eta oholtza gainera irtengo diren elgetar guztiak ez dira umeak izango.
Auto telegidatuen lasterketarik ez
Azkenean, bertan behera gelditu da gaztelekutik antolatuta domekan frontoian egitekoa zen auto telegidatuen lasterketa. Izen-emate txikia izan da eta beste baterako utzi dute.
Zapatuan, hori bai, Bilboko haur parkera joango dira egun pasa gaztelekutik.
