Beti "edozertan" laguntzeko prest egoteagatik egin zioten aitortza Javier Leanizbarrutia Sanpete-ri, Elgetan. Ezustean harrapatu zuten Sanpete herritarrek: "Etxetik irten eta plazara iristean, jende mordoa ikusi nuen. Bat-batean, besotik heldu eta plaza erdira atera ninduten".
Aitortu duenez, omenaldia ez zuen "inondik inora" espero, eta, hain zegoen harrituta, ezin izan zuen esker hitzik esan. Hala, eskerrak emateko bertso bat idatzi gura izan du, elgetarrei zuzendutakoa. Hauxe da bertsoa.
Igandean etxetik kalera lasai eta kalean ezusteko edarra.
Norberak ere esker ona agertu nahi eta ahoa siku, begietan negarra.
Mila esker danori! Jasotako besarkadak bueltatzeko beharra.
Nik honela jarraituko dut jaunak ematen badit osasuna eta indarra.
