Olentzero abenduaren 23an jaitsiko da Intxortatik herriko haurrekin elkartzera. Bertan jasoko ditu herriko haurren gutunak eta trukean gozokiak banatuko dizkie. Hurrengo egunean, 24an, Maala guraso elkarteak antolatutako urteroko Gabon eskea egingo dute elkarrekin abestuz, 11:00etan herri eskolatik hasita. Eguberri egunerako, bestalde, Intxortara igoera antolatu du Kantsatzeke mendi taldeak. 11:00etan abiatuko dira plazatik, eta, behin tontorrera iritsita, mokadutxoa jango dute.
Aurretik, ekintza ugari
Bihar, barikua, goizeko lehen orduetan –09:20tik 11:00etara–, eskolako umeek azoka txikia egingo dute plazan, eta ostean, Olentzeroren eta Mari Domingiren bisita jasoko dute.
17:00etan, Maider Galarza ipuin kontalariak 7 urtetik gorako neska-mutikoendako
saioa egingo du liburutegian. Eta, 19:00etan, Gabonetako emanaldi berezia
egingo dute Espaloia kafe antzokian Lorea Larrañagaren ikasleek .
Zapatuan, bestalde, Bilboko haur parkera irteera egingo dute gaztelekukoek, aurrez izena emanda. Horretaz gain, astelehenean udal ordezkarien bisita jasoko dute Eguneko Zentroko zazpi erabiltzaileek.
Gabonetako gainerako hitzorduen berri jakiteko, hemen.
