Kantsatzeke Txiki egitasmoaren barruan 11,5 kilometro inguruko mendi buelta egiteko proposamena egiten die Kantsatzeke Mendi Taldeak Elgetako familiei. Azaroaren 10erako antolatu dute irteera, eta ideia da Elgetako plazan elkartzea eta 08:30ean Arantzazurako bidea hartzea autoetan.
Mendi buelta Arantzazun hasiko da eta lauzpabost ordukoa izango dela kalkulatzen dute. Adin txikikoak nagusi baten ardurapean joan beharko dira eta nor bere janariaz arduratu beharko da.
Izen-ematea zabalik
Izen-ematea zabalik da azaroaren 7ra bitartean bai udaletxean, bai kantsatzeke@gmail.com helbide elektronikoan bai Facebook bitartez (Kantsatzeke). Izen abizenak, telefono zenbaki bat eta autoa eramateko moduan dauden edo ez jakinarazi beharko dute interesatuek.
Prezioa da: nagusiek 7 euro eta adin txikikoek 4 euro.