Badator Arimen Gaua eta kalabazak husteko tailerrarekin abiatuko dituzte prestatzeko lanak, Elgetan. Maala guraso elkarteak eskolako ganbarara deitu ditu herriko neska-mutikoak, kalabazak husten lagun dezaten. Martitzenerako, hilak 29, egin dute hitzordua, 18:00etan.
Urriaren 31n, berriz, Arimen Gaueko ikuskizuna eskainiko dute seigarren mailako ikasleek. Hilerriko parketik abiatuko da aurten ibilbidea, 19:30ean, eta apur bat aldatuta datorrela aurreratu dute.
Linternak ez dira soberan egongo eta adi kantoi ilunetan edozer egon daiteke eta! Gozokiak, urtero moduan, amaieran banatuko dituzte.