Kantsatzeke mendi taldeak irteera iragarri du domekarako. Urbasa aldera egingo dute hilaren 20an. "Urbasa aldera joango gara, Maiza tontorrera (1.182 m). Udazkena izanik eta eguraldiak laguntzen badu, bertako pagadiez eta goi larreez gozatzeko aukera izango dugu, goitik izango ditugun ikuspegi paregabeaz ahaztu gabe (Aratz, Aizkorri, Aralar, Beriain..). Iaz Barbagainera egindako buelta ederra izan bazen, aurten ekialderago dagoen Maiza bisitatuko dugu, eta honek ere emango digu beste gozatu bat hartzeko aukera".
Jakinarazi dute lau bat orduko ibilbidea izango dela. Prezioa da 10 euro eta izen-emateak zabalik dira bihar arte kantsatzeke@gmail.com helbidean edo Facebook bitartez (Kantsatzeke).
