Baserri bakoitzak zer nolako produktuak ekoizten dituen ezagutzera emateko azoka ederra izan ohi da gaurkoa. Ekoizleek ez dute hutsik egiten, badakite-eta herritarrek ere bat egiten dutela azokarekin. Goizekoari ukitu berezia eman nahian, tirolina bat ere ipini dute udaletxeko goiko solairutik plaza barrenera. Gainera, azoka egunarekin batera, Intxortako igoera ere jokatu da eta horrek bereziki animatu du dagoeneko ederto girotuta zegoen azoka.