Urtero moduan abuztuaren 16aren 00:00etan hasiko dira San Roke kaleko jaiak. Suak izango dira eta horrela emango zaie hasiera festei. Programan meza, triki-poteoa, bazkaria, erromeria eta harri-jasotze saioa ere badaude. Ordutegiei dagokienean, hemen:
- 00:00etan, suak.
- 11:30ean, salda banaketa.
- 12:00etan, meza San Roke ermitan.
- Ondoren, pintxo eta edari banaketa San Roke kalean.
- 13:00etan, triki-poteoa Ainhoa Sanchez trikitilariarekin.
- 14:30ean, bazkaria San Roke kalean. –Eguraldi txarrarekin frontoi zaharrean–.
- Ondoren, erromeria Ainhoa Sanchez trikitilariarekin.
- 18:00etan, harri-jasotze erakustaldia Imanol Albizu 'Goikoetxe'-ren eskutik.
Bazkarirako izen-ematea zabalik
Bazkarirako txartelak martitzenera arte egongo dira salgai 15 euroko prezioan Ugari dendan, Rincon de Lola jatetxean eta Haizea tabernan. Menua da: gula eta ganba entsalada epela, marmitakoa, etxeko postrea, ardoa, ura, xanpaina, ogia, kafea eta kopa.