Martxan dira hiru baserri-bide konpontzeko lanak, Elgetan

Txulokua baserriak Aixolatik duen bidea konponketa lanak egin ostean.

Txulokua eta San Antonio baserrietarako bideak konponduta daude. Zalbide egiteko dago.

Hainbat baserri-bide konpontzen dihardute azkenaldian. Baserritarren batzordeko buru Sebastian Arantzabalek jakinarazi du Txulokua baserriak Aixolatik duen sarrerako bidean lanak egin dituztela. Aurrekontua 5.723,30 euro da, eta Foru Aldundiak hartuko du bere gain %60.

"San Antonio baserri in-guruan apurtutako zatiak konpondu dira, eta aurrekontua 3.267 euro da, guztia Udalaren kontu".

Zalbide egiteko dago

Zalbide baserriko bidean ere lanak egin behar direla aurreratu du Arantzabalek. Pinua ateratzeko lanak bukatutakoan egingo dituzte. Kasu honetan ere, Udalak egingo du inbertsio guztia: 10.055 euro, hain zuzen ere.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete