Kantsatzeke mendi taldeak mendi irteera iragarri du uztaileko bigarren domekarako. Biriatu aldera egingo dute hilaren 14an. Xoldokogainera eta Manddalera igoko dira Biriatutik abiatuta. "Irteera nahiko erraza da, eta goitik aukera izango dugu Lapurdiko kostaldea eta Bidasoa arroko mendiak ikusteko", adierazi dute.
Lau edo lau ordu eta erdiko ibilaldia izango da. Taldea 08:00etan abiatuko da autoetan Elgetako plazatik. Prezioa: 10 euro. Izen-emateak zabalik hilaren 11ra arte kantsatzeke@gmail.com helbidean edo Facebook bitartez (Kantsatzeke).
Kantsatzeke mendi taldetik jakinarazi dute bazkide egiteko, federatzeko zein aseguruaren estaldura zabaltzeko aukera izango dela hilaren 9an, martitzena, kultura etxeko bigarren solairuan, 19:00etatik 20:00etara.