Ekaineko mendi irteera etxe ondoan izango da. Domekarako, hilak 16, iragarri dute eta taldea 08:00etan elkartuko da herriko plazan bertatik autoetan abiatzeko.
Gorlara egingo du mendi taldeak. Bergaratik abiatuko dira eta trenbide zaharretik Antzuolara egingo dute. "Gero, Uzarragatik gora Gorlara. Hamarretakoa kantina inguruan egin, eta Bergarara buelta. Antzuolatik gora, Gorlatik bertatik eta gero, beheranzkoan, Elgeta alderako bista ederrak ikusteko aukera izango dugu", azaldu dute. "Lau bat orduko ibilaldia izango da –ia 14 km–, baina erraza".
Goiz pasa egin eta bazkaltzeko ordurako etxean egotea aurreikusten dute antolatzaileek.
Izen-ematea eguenera arte
Izen-emateak eguenera bitartean egin daitezke udaletxean, kantsatzeke@gmail.com helbidean edo Facebook bitartez (Kantsatzeke). Prezioa da 5 euro.