Bosgarren Kantu eta Dantza eguna egiten ari dira gaurkoan Elgetan, eta aurreko guztietan ez bezala, euriaren eraginez ibilbidea moldatu behar izan dute. Herriko kaleetan zehar kantatzen aritu beharrean, arkupetik arkupera abestu dute gaur, euriak ez baitie abesteko gogorik kendu. Arratsaldean, ordea, eztarriak utzi eta dantzatzen arituko dira.
Eibartik, Aretxabaletatik, Oñatitik, Antzuolatik eta Arrasatetik etorritako abesbatzek bat egin dute Elgetan, bosgarren Kantu eta Dantza egunean. "Aurtengoa bosgarrena da, eta aurreko guztietan eguraldia nahikoa errespetatu gaitu. Euria dela eta ezin izan gara herriko kaleetan zehar aritu, baina horren ordez arkupetik arkupera ibili gara" azaldu du Lorea Larrañaga kantuen arduradunak.
Bazkalordura arte kantatzen aritu ostean, 75 lagun inguru batu dira bazkaltzeko. Eta orain, arratsaldean, kantuak albo batera utzi eta dantza kontuei helduko diete, izan ere, 18:00etan Herrixa Dantzan saioarekin eta Jainaga eta Narbaizaren erromeriarekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak