Elgeta Kantuan taldeak etortzeko gonbidapena luzatu die Arrasate, Aretxabaleta, Oñati eta Eibarko bi kantu-taldeei. Hala, gonbidapena onartzen dutenei 12:30etan egingo diete harrera plazan eta bertatik abiatuko dira kantu-jira egiteko. 14:30etan egingo dute bazkaria kiroldegian eta bazkaldu ondoren, kantuan egingo dute. Egunari amaiera emateko, 18:00etan Herrixa dantzan elkarteko kideek dantzaldia eskainiko dute Jainaga eta Narbaizaren zuzeneko musikarekin eta Patxi Monterok gidatuta.
Bazkariko txartelak
Bazkariko txartelak erosteko azken eguna maiatzaren 15a izango da. Bola Toki tabernan eros daitezke 16 euroren truke. Txartela erosteko beste aukera bat ere badago: Elgetako Udalaren kontu zenbakira (3035.0009.11.0090900039) bazkariaren zenbatekoa sartu eta pertsonaren edo taldearen adierazi beharko dira 'BAZKARIA' kontzeptua jarriz.