Iraitz Lazkano Garitaonandia aukeratu dute gaur Elgetako EH Bilduren alkategai maiatzeko udal hauteskundeetarako. 30 bat lagun elkartu dira udaletxeko osoko bilkuren aretoan egindako batzar irekian, eta aho batez aukeratu dute Lazkano. "Gaurko batzarrean aho batez onartuta, Iraitz Lazkano izango da Elgetako EH Bilduren alkategaia", adierazi dute Elgetako EH Bildutik.
Lazkano (Elgeta, 1987) Elgetako alkatea da amaitzear den agintaldi honetan, beraz bigarren udal hauteskundeak izango ditu honakoak Elgetako EH Bilduko zerrendaburu moduan.
Bi alkategai, oraingoz
Alderdi sozialistako Elias Castro da, oraingoz, maiatzeko udal hauteskundeetarako ezagutzera eman duten beste alkategaia.
Alderdi jeltzaleak badihardu hautagaitza aurkezteko lanean. Ez du oraingoz iragarpenik egin.
