Urtarrileko batzarrean onartu zuten Ozkarbi elkarteko bazkideek beheko solairuan lanak egitea. Barra ingurua egokitzeko lanak dira egiteko daudenak. Hori horrela, egunotan itxita dago espazio hori eta ezin da erabili.
"Sukaldea eta goiko jantokia erabilgarri daude. Lanak bukatu eta garbiketa eginda, espero dugu martxoaren 22rako gune hori erabilgarri egotea", adierazi du zuzendaritzak.
Jakinarazi dute, baita ere, zabalik dagoela 13-18 urte bitarteko gaztetxoendako eraikineko hirugarren solairuan prestatutako espazio berria, eta izena emateko ez dela beharrezkoa bazkideren baten seme-alaba izatea. Hain zuzen ere, jaso dute giltza lehenengo erabiltzaileek.