Mendi irteerako ibilbidean izango dira aurten ere Intxorta, Erdella, Santamarinazar, Egoarbitza, eta Azkonabieta. Mendizaleak 08:00etan abiatuko dira kiroldegitik eta martxoaren 8ra arteko epea dago izena emateko. Aurreko gaua Elgetako kiroldegian egiteko aukera izango da, norberaren lo zakuarekin eta koltxoiekin.
Domekako jardunaldia Euskal Herriko iraupen luzeko ibilaldien zirkuituko proba da. Antolatzaileek 14:00etarako finkatu dute mendi irteeraren amaiera, eta orduan egingo dute 2018ko finalisten diploma banaketa.
Bazkaria 14:30ean hasiko da. Kasu honetan ere aurrez eman behar da izena. Prezioa 26 euro da, eta interesatuek udaletxera jo behar dute: www.elgeta.eus, 943 76 80 22 edo turismoa@elgeta.eus.