Eduardo Zubiaurrek ez du agintaldia zinegotzi karguan amaituko. Hurrengo batzar orokorrean izango da mahai gainean hautetsi kargua uzteko bere eskaera. Adierazi du arrazoi pertsonalak behartzen dutela zinegotzi izateari uko egitera.
Eduardo Zubiaurrek 2015eko ekainaren 13an hartu zuen Gu Geu Elgetako zinegotzi kargua, eta udalbatzako kide izan da ordutik. Zerrendako hirugarren postuan aurkeztu zen udal hauteskundeetara, eta Mikel Larrearekin eta Iratxe Bravorekin batera herri mailan sortutako plataformako ordezkaria izan da udalbatzan.
