Aurtengoa urte berezia da Gipuzkoako bolariendako; izan ere, Gipuzkoako txapelketaren 50. urteurrena betetzen da. Horregatik ezohiko ekintzak izango dira 2019an, tartean Gipuzkoako botaldi berezien txapelketa. Txapelketa hori urterokoa den Gipuzkoako hiru txirlo txapelketari gehituko zaio.
Botaldi berezien txapelketako lehenengo tiraldia zapatuan jokatuko da. Aretxabaletan izango da, 17.00etan. Elgetako bolariek jakinarazi dute taldea osatuko dutela, eta aurten Aretxabaletakoak ere Elgetatik federatuko direla.
Gipuzkoako txapelketari dagokionean martxoaren 23an hasiko da, eta urtero moduan Elgetan jokatuko da jardunaldietako bat. Ez edozein, gainera; izan ere, azken jardunaldia da Elgetan jokatuko dena. Bolatokian izango da, maiatzaren 25ean.Berezitasun moduan egun horretan, gainera, bigarren txapelketa bat ere jokatuko da. 22:30ean hasiko da eta irekia izango da.