Virginia Imaz: "Sentsualitatea eta zentzumenen indarra aldarrikatuko ditut gaurko ipuin erotikoetan"

Virginia Imaz ipuin kontalaria.

Ipuin kontalari entzutetsuak ipuinak kontatuko ditu Udal Liburutegiko Bibliobero programaren barruan. Saioa 22:30ean hasiko da, doan da eta gazteleraz izango da. De miel y escalofrío... du izenburua.

Ipuin erotiko asko daude?

Makina bat ipuin erotiko dago ahozko tradizioan. Badira, esaterako, tibetar emakume nomadengandik datozenak, bost bat mila urte dituztenak. Aipa daitezke baita ere hankarteko ipuinak deiturikoak. Emakumezkoek emakumeen artean eta gizonezkoek gizonen artean kontatzen zituztenak. Iniziazio bat ziren sexualitatearen mundura; izan ere, modurik eraginkorrena zen informazioa zabaltzeko. Gero, egile-ipuinak ere badaude, eta Anais Nim aipatuko nuke.

Zelakoak kontatuko dituzu Elgetako saioan?

Azaleko sentsualitatea eta zentzumenen indarra aldarrikatzen dituztenak, bereziki. Plazer izatea, eta tolerantzia eta errespe-tua oinarri dituztenak.

Gizonei eta emakumeei zuzenduak izango dira?

Sexualitateari buruz ari garenean, sexualitate genitala irudikatu ohi dugu. Nik emakumeen imajinarioa aldarrikatu nahiko nuke, eta gizonei esango nieke informazio pribilegiatua jasotzeko aukera dutela hor.

Azken gomendiorik saiorako?

Jakin-minez eta jarrera ahalik eta irekienarekin etortzeko es-katuko nieke entzuleei. Bidaia bat egitera eramango ditut.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.