Prest da, liburutegian, Bibliobero izeneko interesgune berezia. Erotismoarekin lotutako argitalpenak elkartu ditu bertan Geaxi Ezpeleta liburuzainak. Apal berezituan daude ikusgai hilaren 22ra arte.
Erotismoak, gainera, presentzia berezia izango du egunotako ekintzetan. Eguenean egindako literatura solasaldietan, Aitor Aranaren Ipuin lizunak liburuko hiru idazlan izan zituzten aztergai, eta hilaren 22rako Virginia Imaz ipuin kontalariaren De miel y escalofrío... ipuin kontaketa erotikoa dago iragarrita.
Liburutegian egingo du, 22:30ean. Horrekin batera, Elena Elkoro farmazialariak antisorgailuen gaineko saioa egingo du eguaztenean, hilak 13, 18:30ean. Eta liburutegiak Xuxurlatu barrenera esaldi erotikoen lehiaketa egingo du. Interesatuek liburutegian aurkituko dituzte argibideak.