Pozik dira antolatzaileak; izan ere, jende kopuru polita elkartuko dute bihar egitekoa duten Mendi Mendia Racing jaian. Adierazitakoaren arabera 110-120 bat lagun daude bazkarirako izena emanda.
Biharko ekitaldiak 11:00etan hasiko dira. Autoen erakusketarekin eta pintxo-poteoarekin hasiko dira. Aurreko urteetan moduan, Mendizaleen plazan kokatuko dute elkargunea. Eta 13:30erako, talde argazkia ateratzeko dei egin dute. Plazan elkartuko dira, jarraitzaileekin eta lagunekin argazkia ateratzeko.
Bazkaria, berriz, 14:00etan izango da, Espaloia kafe antzokian. Festa gauera arte luzatuko da; izan ere, 21:30ean hasiko dira zuzeneko musika emanaldiak antzokian. Bergarako Barne Guda eta Brigade Loco taldeak eta Kataluniako Demencials daude iragarrita.