Harrera beroa egin diote dantzariek Herrixa Dantzan ekimenaren hamargarren urteurrenari

Amaia Txintxurreta Guridi 2019ko urt. 27a, 21:15

Debagoieneko eta inguruko herrietako dantzariak leialak izan dira beste behin Herrixa Dantzan ekimenarekin. 2010eko urtarrileko azkenengo domekan egin zen Espaloian lehen saioa, eta hamar urte geroago, dantzariek ez dute hutsik egin. Nola ez, dantzan ospatu dute urteurren berezia, zuzeneko musikaz lagunduta.

Elgeta, Bergara, Oñati... edota baita Durango edo Azpeititik ere. Hainbat herritako jendea batu da Herrixa Dantzan ekimenaren hamargarren urteurreneko Espaloiko dantzaldi berezian. Beti bezala, Patxi Monterok gidatu du, eta zuzeneko musika izan dute Alboka taldeko Joxan Goikoetxearen eskutik.

Jauziak, baltsak, kontradantzak... hainbat genero ezagun dantzatu ahal izan dute dantzariek. Tradiziotik edaten duten dantzak izan dira guztiak, baina doinu batzuei dagokienez, guztiak ez dira sarritan entzuten diren horietakoak. Eta dantzei dagokienez ere, batzuk aski ezagunak izan dira, eta beste batzuk aldiz, berriagoak.

Balorazio positiboa

Patxi Montero, pozik zegoen ekimenak izaten duen harrerarekin: "Oso ondo pasatzen dugu, oso giro polita sortzen da, leialtasun bat badago hainbaten aldetik, baina beti etortzen da jende berria ere".

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak