Imanol Albizu 'Goikoetxe'-k erronka bota dio 'Izeta IV'.-ri

Imanol Albizu  'Goikoetxe'-k erronka  bota dio 'Izeta IV'.-ri
Imanol Albizu 'Goikoetxe' harri kubikoa altxatzen, Zumaian. (Argazkia: EgurSport HK)

Erronka da hamar minutuko hiru txanda egitea 125 kiloko kubikoarekin. Bi harri-jasotzaileak zapatuan elkartuko dira Azpeitiko Mendizabal erretegian erronka formalizatzeko.

 "Iaz berak aipatu zidan zerbait, baina ni lesionatuta nengoen. Orain, nik bota diot erronka. Ez dakigu geldirik egotean, hori da hemen gertatzen dena", esan du Imanol Albizu 'Goikoetxe'-k.

Adierazi du pare bat txapelketatan aritu direla batera Hodei Iruretagoiena 'Izeta IV'. eta bera, eta maila nahiko antzerakoa dutela.

"Kubikoarekin bota diot erronka; bestela, ez luke onartuko; eta niretzat erronka berria izango da".

Hodei Iruretagoiena zarauztarrak, berriz, esan du lan gogorra iruditu arren, gogotsu hartu duela.

Zapatuan elkartuko dira bi harri-jasotzaileak akordio batera iristen badira erronka formalizatzeko. Hala bada, kontratua sinatu eta eguna ipiniko diote erronkari. Asmoa da apirilean jokatzea Azpeitiko zezen plazan.