Hiru finaletatik estuena 40 urtetik gorakoena izan zen

Larraitz Zeberio Lekuona 2019ko urt. 2a, 09:27

Finalak jokatu osteko sari banaketa, frontoian. (Argazkia: Elgetako Udala)

Iban Retolazak eta Jose Mari Zubiaurrek jantzi dute aurten txapela iazko txapeldun Haritz Gallastegi eta Oskar Askasibar hiru tantora utzita. Gainerako kategoriatan, Maitena Mañarikuak berriz jantzi du txapela honako honetan Ainhoa Zeziagarekin batera, eta 40 urtetik beherakoetan Andoni Elorzak eta Oskar Sarasuak jarraitzen dute jaun eta jabe.

Urtezahar egunean jokatu zituzten Elgetan eskuz binakako pilota txapelketako finalak. Hauek izan ziren emaitzak:

Haritz Gallastegi-Oskar Askasibar / Iban Retolaza-Jose Mari Zubiaurre 19-22
Ainhoa Zeziaga-Maitena Mañarikua / Olatz Olaortua-Janire Lazkano 22-10
Andoni Elorza-Oskar Sarasua / Ibon Unzetabarrenetxea-Asier Unzetabarrenetxea 22-15