Bi arerio handi izango ditu aurrean Imanol Albizuk Urtezahar eguneko finalean; izan ere, biak sartu dira berak baino altxaldi gehiago eginda finalean. Saiatu, ordea, egingo da Albizu.
Ikuskizun borobila izango da Asteasukoa; izan ere, herri kiroletako beste bi final jokatuko dira. Urrezko aizkolarien kopako finala izango da bata, eta Gabonetako emakumeen ingude kopa bestea. Saioa 17:00etan hasiko da.
Hiru harri-jasotzailea eta txapela bat
Goikoetxe-k ondo baino hobeto ezagutzen ditu Peñagarikano eta Urruzuno. Lagunak ditu eta arerio izan ditu hainbat txapelketatan.
Aurtengoan, finalerdian 85 altxaldi eginda sartu da finalean Peñagarikano, eta 84 egin ditu Urruzunok. Imanol Albizu Goikoetxe-k 81 egin ditu.
Asteasuko finalean erabiliko diren harri guztiak ehun kilokoak izango dira: zilindro zaharra, kubikoa eta bola.