50 bat lagun elkartu dira gaur eguerdian indarkeria matxistaren aurka Elgetako plazan egin den elkarretaratzean. Hamabost minutuz egon dira Indarkeria matxista gehiagorik ez! irakur zitekeen pankartaren atzean.
Indarkeria matxistaren aurkako leloa ez ezik kolore moreko ohialekin estalitako zortzi hilotz eta hiru hilarri ere irudikatu dituzte plazan. Herriko emakume taldearen ekimena izan da. Modu horretan irudikatu dituzte indarkeria matxista dela-eta urte honetan Euskal Herrian hil dituzten biktimak; bederatzi emakume eta bi ume.
Herri Eskolan tratu onen murala
Elgetako Herri Eskolan ere asteon landu dute gaia neska-mutikoekin. Tratu onen aldeko murala egin dute ikastetxean, eta nork bere mezua utzi du bertan. Geletan tratu onen aldeko bertso bat landu dute eta talde argazkia ere egin dute.
---
Emakumeen aurkako indarkeria sexistaren biktimentzako telefono bidezko 24 oduko doako arreta zerbitzua: 900 840 111
Gizarte Larrialdien Koordinazioko Zerbitzua (SFUS)
- Telefonoa: 943 22 44 11 (7:00etatik 21:00etara)
- E-maila: sfus@gipuzkoa.eus