Euskaraldia ariketa serioa dela esan dute Elgetan Ahobizi-k eta Belarriprest-ek eta aholkatu dute kontuan hartzeko Euskaraldia batzordetik zein Topagunetik emandako jarraibideak. Ariketa serioa izateak, ordea, ez du esan nahi dibertigarria eta berritzailea izango ez denik; izan ere, Ahobizi-k eta Belarriprest-ek badute itxaropena Euskaraldiak sorpresa atsegin ugari ekarriko dituela.
"Euskarak zipriztindu ditzala Elgetako txoko guztiak eta hazi dadila umeen zein helduen artean", esan dute. Euskaraldiari hasiera emateko barikuan, hilak 23, Elgetako plazan egitekoa den ekitaldian parte hartzeko deia egin dute.
Txapak liburutegian
Euskaraldian izena eman eta oraindik txapa jaso ez dutenek badakite liburutegian dutela prest. Izena emateko daudenak, berriz, hemen edo liburutegian zein udaletxean bete dezakete eskuorria.