Urtero egiten dute gaztaina-erre jana Elgetako Herri Eskolan. Maala guraso elkartearen ardura izaten da gaztainak erretzea eta banatzea. Aurten ere Enrike Perez Txikiturri-k erre ditu danbolinean. "Azkar erre ditut gaur. Haizea zegoen eta primeran etorri zait", adierazi du.
Eskolako neska-mutikoak eta irakasleak 15:00ak bueltan irten dira frontoi zaharrera eta kantuan eta dantzan egin dute gurasoen aurrean. Gaztainen banaketarekin hasi aurretik pare bat kantu eta opariak izan dituzte Txikiturri-rendako. Urtero prestatzen dizkie gaztaina erreak, eta gaur gainera urtebetetze eguna du.
Ondoren, aznar joan da gaztaina banaketa. Egin berriak eta bero beroak gustura jan dituzte ikasleek, irakasleek eta gurasoek.
Amaieran, Euskaraldiari atxikimendua adierazteko talde argazkia atera dute.