Urrezko Aizkolari Kopako kanporaketak Elgetan

Zizurkilgo Joseba Otaegi, Arostegiko Oier Kañamares eta Zigako Joxean Etxeberria lehiatuko dira nor baino nor gehiago. Eusko Label Sariaren kanporaketa Elgetako pilotalekuan jokatuko da, zapatuan, 18:00etan.

Hiru aizkolariek lan berbera egin beharko dute: hamabi enbor ebaki beharko dituzte, ahalik eta denbora gutxien erabilita. Bi zatitan egingo dute lan hori, eta, atseden hartzen duten bitartean, harri-jasotzaileen lana gertutik ezagutzeko aukera egongo da. Izan ere, jaialdia borobiltzeko, harri-jasotze txapelketako jardunaldia ere jokatuko dute. Hain justu ere, Imanol Albizu Goikoetxe elgetarra etxean lehiatuko da Irantzuko Jon Irañetaren kontra. Hiru harri erabiliko dituzte beraien lana egiteko: 100 kiloko zilindroa, 100 kiloko harri kubikoa eta 100 kiloko bola.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.