Aurreko urteetan arrakasta handiz egin dira memoria tailerrak, eta aurten egitasmoari jarraipena emateko erabakia hartu dute berriz ere Bideberri Mankomunitateak eta Elgetako Udalak.
Jakinarazi dute hamahiru saio izango direla eta kultura etxean egingo dituztela eguaztenetan, 09:30etik 11:00etara. Azken saioa otsailaren 13an izango da.
Aurreko urteetan parte hartu dutenek eskutitza jaso dute etxean, baina interesatu guztiendako dago zabalik eskaintza.
Izen-ematea udaletxean egin behar da urriaren 31rako.