Badator Indarkeria Matxistaren Kontrako Nazioarteko Eguna eta Bideberri mankomunitateak autodefentsa feminista tailerra iragarri du azaroaren 10erako eta 11rako, Elgetan.
"Txikitatik erakusten digute emakume bezala beldurra sentitzen ikararen bitartez gure gaitasunekiko kontrola eta gure buruekiko konfiantza galduz, gure autonomia mugatuz eta gizaki pasiboak bihurtuz", adierazten dute gidari lanak egingo dituzten Emagin taldeko kideek."Ez dugu sasi salbatzailerik behar gu geu gai garelako!".
Tailerra doan da eta saioak izango dira, 10:00etatik 14:00etara. Hogei lagunendako lekua dago. Zabalik da izen-emateko, udaletxean, urriaren 31ra bitartean.