Domekan Urbasako Bargagain tontorrera egingo du irteera Kantsatzeke mendi taldeak

Elgetako mendi taldeak irailean Ganbo tontorrera egindako irteera. (Iturria: Kantsatzeke mendi taldea)

Taldea 08:00etan abiatuko da plazatik autoetan. "Altsasutik hasiko gara eta itzuleran nahi duenak bertan ospatuko den Nafarroa Oinez jaiarekin bat egiteko aukera izango du. Animatu!", adierazi dute antolatzaileek. Eskatu dute eguenerako, hilak 18, izena emateko.

Bargagain edo Tontorraundi Urbasako mendilerroaren bigarren puntarik altuena da 1.153 metrorekin. Altsasuko udalerrian kokatuta dago. Bertara egingo du hurrengo irteera Kantsatzeke mendi taldeak.

Lauzpabost orduko ibilbidea prestatu dutela eta izen-ematea bihar arte zabalik dela esan dute mendi taldetik. Ohiko bideak erabil daitezke izena emateko: kantsatzeke@gmail.com helbide elektronikoa, Facebook perfila (Kantsatzeke) edo udaletxean.

Prezioa da hamar euro. Ibilbidea Altsasun amaituko denez nahi duenak bertan ospatzekoa den Nafarroa Oinez festan eman diezaioke jarraipena egunari.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.