Kantsatzeke mendi taldeak adin txikikoekin egiteko moduko beste mendi irteera bat antolatu du. Domekarako iragarri dute, eta adierazi dute eguraldi txarragatik maiatzean bertan behera gelditutako irteera berdina da.
Taldea 08:30ean elkartuko da herriko plazan. Autoetan egingo dute Amezketarainoko bidea. Bertatik Buruntzuzin meategietara eramaten duen bideetako bat hartuko dute.
Parte hartzera animatu dituzte herritarrak. Jakinarazi dute adin txikikoek guraso edo nagusi baten ardurapean egin behar dutela irteera, eta eskatzen dute beranduenez eguenerako, hilak 11, emateko izena. Udaletxean, kantsatzeke@gmail.com helbide elektronikoan edo Facebook —Kantsatzeke— bitartez egin daiteke izen-ematea.
Prezioa da 6 euro, eta adin txikikoen kasuan 4 euro. Parte hartzaileek kalkulatu behar dute buelta 16:00ak edo 17:00ak aldera izango dela.
