Astelehenean ekin zioten lanari, eta prest da dagoeneko elgetarrak Euskaraldian izena ematera animatzen dituen horma-irudia. Ahodun loreen eta belarridun tximeleten artean nabarmentzen dira Ahobizi eta Belarriprest hitzak. Euskaraldia ere irakur daiteke bertan.
Elgetako Euskaraldia batzordetik gogoratzen dute zabalik dela izena emateko aukera. "Gogoratu etxetik eman daitekeela izena izenematea.euskaraldia.eus helbide elektronikoan. Datozen egunetan udaletxean, liburutegian, zein Euskaraldia batzordeak kalean ipinitako mahaietan ere izango da fitxa betetzeko aukera. Xabier Payak eguaztenean udaletxean egitekoa duen Ama no sabe euskara izeneko hitzaldian ere izango da izena emateko aukera.
