"Hori egiten ari ginela erabaki genuen kanpotik zihoan ur hoditeria barrutik ipintzea eta dutxa-telefonoak ere berritzea", azaldu du Iraitz Lazkano alkateak. Emakumeen zein gizonen aldageletan, bestetik, egokitu egin dute komuna, eta dutxa egokituak ere ipini dituzte.
Hilerriko horma amaitzen
Lazkanok jakinarazi du hilerriko hormako lanak ere azken txanpan direla. "Harria jartzen ari dira goiko aldean. Laster amaituko dute".
Uda partean beste hainbat lan egin ditu Udalak herrian. Skate parkea berritu egin dute, argiteria publikoa LED sistemara egokitu eta eskolako ganbarako hormak txukundu.
