Ate irekiak dituzte asteon Elgetako kirol eskaintzan, eta doan ezagutzeko aukera emango dute

Erretiratuendako gimnasia saioak, spinning, mantentze gimnasia, eskola kirola eta pilota eskola... Kirol eskaintza martxan da Elgetan eta erabiltzaileek saioetara doan joateko aukera izango dute asteon.

Gaur eta eguaztenean lehen hezkuntzako lehen eta bigarren mailako neska-mutikoendako eskola kirola saioa izango da, 16:30ean. Ondoren, 17:30ean pilota eskola saioa izango da frontoian eta 19:30ean hasita spinning ikastaroa.

Martitzenean eta eguenean erretiratuendako gimnasioa saioa dago iragarrita, 15:30ean. Ondoren etorriko dira 3. eta 4. mailetako ikasleendako eskola kirola saioa (16:30ean) eta 5. eta 6. mailetako neska-mutikoendakoa, 17:30ean. Mantentze gimnasia saioa 18:30ean izango da eta spinning-eko bigarren taldearen saioa, 19:30ean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.