Oihana Kortazar, Iratxe Alonso eta Aitzol Jimenez Bocineros lasterketako podiumean

Oihana Kortazar, Iratxe Alonso eta Aitzol Jimenez Bocineros lasterketako podiumean
Sari banaketa, domekan.

Domekan jokatu zen proba eta 45 kilometroko lasterketa egin zuten. Sari banaketan hirurak izan ziren oholtza gainean.

Bocineros Deiadar Xtreme lasterketan Oihana Kortazar nagusitu zen emakumeetan. Elgetarrak 4 ordu eta 10 minutu behar izan zituen ibilbidea bukatzeko. Iratxe Alonsok hirugarren egin zuen, 5:29:35 denborarekin.

Gizonetan, Aitzol Jimenez elgetarrak laugarren egin zuen 4:21:30 denborarekin.

Lasterkariak Gernikatik abiatu ziren eta Gernikan amaitu zuten. Ibilbidean izan zituzten Maiaga, Sollube, Katillotxu eta Kosnoaga.

Bocinero Bizkaiko bost mendatek osatzen dute multzoa da: Kolitza (883 m.), Ganekogorta (999 m.), Gorbeia (1.482 m), Oiz (1.026 m.) eta Sollube (684 m.).