Kantsatzeke mendi taldeak Jatara egingo du irteera, domekan

Jata mendi tontorra. (Iturria: Kantsatzeke mendi taldea)

Taldea 08:00etan abiatuko da herriko plazatik autoetan Bakiora joateko. Bertatik, lau bat orduko ibilaldia izango dela adierazi dute. Interesatuek egunera arteko epea dute izena emateko.

"Hurrengo irteera Jata mendira izango da, Bakiotik hasi eta bertan amaitzeko", adierazi du Elgetako mendi taldetik. "Igoera ez dela polita esan behar da, baina goitik dagoen ikuspegia, berriz, oso polita da. Gipuzkoa aldera Aloñarainoko bistak daude eta ia Bizkaia guztia azpian. Beherako bidean Gaztelugatxe arituko zaigu agertu eta ezkutatu, eta Lemoizko zentrala ere nahiko gertu ikusiko dugu".

Izen-ematea eguenera arte

Udaletxean, kantsatzeke@gmail.com helbide elektronikoan edo Facebook (Kantsatzeke) bitartez eman behar dute izena interesatuek. Prezioa da 10 euro. Eskatzen da adinez nagusi izatea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.