Urtean zehar ikasitakoa plazaratu dute musika ikasleek Espaloia antzokian

Urteroko ohiturari jarraituz, musika emanaldia eskaini dute musika ikasleek Espaloia antzokian. Lorea Larrañaga irakaslea "gustura" azaldu da kontzertuak eman duenarekin. Guztira 44 ikaslek hartu dute parte, eta nagusien abesbatza ere han izan da, ikasleenekin batera. Irakasleaz gain, musikariak zein entzuleak ere pozik gelditu dira amaieran.

Pianoa, biolina eta gitarra izan dira hiru instrumentu nagusiak gaurko emanaldian. "Denetarik egon da. Hiru instrumentu horiek elkarren artean nahastu ere egin dituzte, abestu egin dute, dantzan ere bai. Pianoa bi, lau eta sei eskutara ere ikusi ahal izan dugu. Gitarra ikasle batek bere amarekin ere eskaini du pieza bat, berak gitarra jo du eta amak abestu. Polita izan da", adierazi du Larrañagak.

 

Erlazionatuak

Musika ikasleen ikasturte amaierako emanaldia

Elgeta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.