Elgetatik igaroko da askatasunaren aldeko martxa, zapatuan

Zapatuan, aldarri martxa egingo du Euskal Herriak Askatasuna eragileak. Askatasunaren alde, herri duin bat leloa aukeratu dute hitzordurako.

Eta, Mauletik irtenda, Euskal Herriko hainbat herri izango dituzte geraleku. Besteak beste, ekitaldia egingo dute Elgetako plazan –zapatua–. 17:30ean hasiko da ekintza.

Tartean, "hautu baskongadista eta autonomistekiko oposizioan nazio askapenaren aldeko aldarria" hedatzea dute helburu. Eta, Elgetaz aparte, bidean zehar beste hiru herritan egingo dituzte geldialdiak –Gernika, Amaiur eta Tolosa–. Horien arteko bidea, ostera, autoz egingo dute, karabanan.

Modu berean, egitasmoaren bultzatzaileek aldarrikatu dute ez dela "ziklo autonomistarik" behar. "Euskal Herriak askatasuna behar du", diote.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.