Galgorri gozotegian sanblas opilak nola egiten dituzten ikusten izan dira Herri Eskolako ikasleak

Herri Eskolako taldea Galgorrin bisitan.

Barikuan egin zuen bisita laugarren mailako neska-mutiko taldeak. Pozik irten ziren. Herrian bertan egiten diren gozoak non eta nola egiten dituzten bertatik bertara ikusteko aukera izan zuten, eta hori ez da egunero gertatzen.

Gozo ugari egiten dituzte Berraondokoa industrialdean dagoen Galgorri gozotegian. Barikuan, Elgetako Herri Eskolako laugarren mailako neska-mutikoei zabaldu zizkieten lantokiko ateak, eta gustura ibili ziren anis usain artean 9-10 urte bitarteko ikasleak.

Higiene kontuengatik beharrezkoak diren babesak soinean ipini ostean sartu ziren gozotegian neska-mutikoak eta askotariko gauzak ikusi zituzten bertan. Pozik irten ziren. Herrian bertan egiten diren gozoak non eta nola egiten dituzten bertatik bertara ikusteko aukera izan zuten, eta hori ez da egunero gertatzen.

Ez ziren esku hutsik itzuli gainera; izan ere, azalpenak entzun eta gero denek izan zuten gozoak dastatzeko aukera.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.