Kantsatzeke mendi taldeak aurten ere familia giroan egiteko bi irteera antolatzea aurreikusten du. Udaberrikoa domekarako, hilak 13, iragarri dute. Lauzpabost orduko txangoa izango dela adierazi dute, eta taldea 08:30ean abiatuko dela herriko plazatik, autoetan.
Interesatuek maiatzaren 10era arte dute izena emateko aukera udaletxean, Kantsatzeke taldearen Facebook profilean eta kantsatzeke@gmail. com helbide elektronikoan. Prezioa hau da: sei euro nagusiendako eta lau euro adingabeendako. Adingabeek guraso edo nagusi baten ardurapean joan beharko dute. Irteera adin guztietako interesatuendako da.
